سمحو لي اليوم بدي احكي عن موضوع بمسني شخصيا كمان، وسمحولي اشكر C.P Romania 🇷🇴 لمشاركتها معنا معركتها مع مرض السرطان، وقت سئلتها قالتلي:
((لا تفقدو الامل، هلئ بدي بلش عيش !
ماعاد بدي اقسى عحالي، بدي بلش حب حياتي وحب حالي كتير بس مو اكتر من الله!بدي اعمل كل الشغلات الي بحبا وكنت احلم فيها بس ماكنت اقدر حققا لان كنت اجلها او اجل حالي للاخر وقول بكرا بلحق! بدي ركز بس عحلاوة الدنيا وكون ممنونة لربي اد مافيي!.
بتعرفي مو السرطان الي بيقتلنا ، نحنا بنموت بس لما مانلاقي الارادة لنعيش! بمعركتي مع السرطان شفت الجحيم بس كانت معركة بنفس الوقت مع الصلاة والدعاء والايمان كمان. السرطان علمني ان الموت كتير قريب وان الحياة مالها دايمة للابد مشان هيك بتستاهل نعيشها بكل لحظة فيها للاخر! احيانا بضحك وقت بطلع وبشوف الناس كيف عم تتصرف بسخافة او كيف بيعملوا شغلات بتوجعون وبتوجع الي حوليهون، بقول هدول مساكين وجاهلين مابيعرفوا شو هي حقيقة الدنيا ومابيعرفوا ان يمكن ما يكون عندون فرصة تانية ليعملو الشي الصحيح ،وببعد عنون قدر المستطاع!. هذا المرض كتير قاسي وكتير بخوف عن جد، بس فيه ميزة وحدة ؟. انه بيعطيك فرصة لتعيش مرة تانية! اذا شفيت بتحس ان حياة كاملة جديدة اتهدتلك! واذا لا سمح الله ماقدرت تطلع منه بتصير بتحس وبتشوف وبتقدر كل دقيقة بحياتك ليل ونهار مهما كانت تفاصيلها تافهة ، بتصير تعرف تحمد الله عكل نعمة عطانا ياها بكل حياتنا وبكل يوم بعيد عن كل الحسابات البشرية التافهه!. فلا تضيعوها .))

C.P 🇷🇴

#itsfineifithurts

شكرا كتير من كل قلبي انت انسانة رائعة وشجاعة ، وعن جد نحنا مالازم يكون عنا سرطان او وجع او الم من اي مصيبة مهما كانت كبيرة لنعرف كيف لازم نعيش ، او كيف نحمد ونقدر النعم الي حوالينا مهما كانت صغيرة، لازم نفهم ان اي فرصة تانية باي شي بهي الدنيا معناتة ان الانسان فعلا محظوظ وانها عبارة عن حياة كاملة تانية مالازم نضيعها لان الحياة كتير قصيرة ويمكن ماننعطى غيرها ابدا.

 


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s